जनकपुरधाम- सिन्धुलस्थित नेपाल टेलिकमको एक टावरमा बम विस्फोट भएको छ।
सुनकोसी गाउँपालिका–१ दुम्जास्थित बिपीपार्क नजिक शुक्रबार बिहान अपरिचित समूहले विस्फोट गराएको हो।
वडाअध्यक्ष रामकुमार श्रेष्ठका अनुसार बिहान ३ बजेतिर बम विस्फोटको आवाज सुनिएको थियो।
प्रहरीको अनुसन्धानबाट टेलिकमको टावरमा कुकर बम विस्फोट भएको पाइएको छ।
टेलिकमको टावर रहेको कम्पाउन्डभित्रको झ्यालमा अपरिचित समूहले कुकर बम विस्फोट गराएको पुष्टि भएको जिल्ला प्रहरी कार्यालय सिन्धुलीका प्रवक्ता डिएसपी चिरञ्जीवी दाहालले जानकारी दिएका छन्।
उनकाअनुसार विस्फोटबाट टावरको कम्पाउन्डको झ्यालमा सामान्य क्षति पुगेको छ।
घटनास्थलमा पेट्रोलको गन्ध आउने दुईवटा बोतल र जनमुक्ति सेना नामक पर्चा बरामद भएको प्रहरीले जनाएको छ।
घटनाबारे आवश्यक अनुसन्धान भइरहेको प्रहरीले बताएको छ।
Leave a Reply