काठमाडौं- प्रधानमन्त्री पुष्पकमल दाहाल ‘प्रचण्ड’ ले सुनको अवैध पैठारी (तस्करी) नियन्त्रणसम्बन्धी जाँचबुझ आयोगले गरेको सिफारिस कार्यान्वयन गर्न निर्देशन दिएका छन्।
शुक्रबार उपप्रधान एवं गृहमन्त्री रवि लामिछानेमार्फत आयोगको प्रतिवेदन बुझ्दै प्रधानमन्त्री प्रचण्डले यस्तो निर्देशन दिएका हुन्।
जाँचबुझ आयोगले बिहीबार बुझाएको प्रतिवेदन गृहमन्त्री लामिछानेले प्रधानमन्त्री प्रचण्डलाई हस्तान्तरण गरेका हुन्।
प्रचण्डले कसैको दबाब र प्रभावमा नपरी प्रक्रियाअनुसार प्रतिवेदनको सिफारिस कार्यान्वयन गर्न निर्देशन दिए।
दोषीलाई उन्मुक्ति नहुने र निर्दोष नफस्ने वातावरण बनाउनसमेत उनले निर्देशन दिएको गृहमन्त्रीको सचिवालयले जनाएको छ।
Leave a Reply