काठमाडौं- सुन तस्करी जाँचबुझ आयोगले उपप्रधान एवं गृहमन्त्री रवि लामिछानेलाई प्रतिवेदन बुझाएको छ।
बिहीबार आयोगका अध्यक्ष डिल्लीराम आचार्यले सिंहदरबारमा गृहमन्त्री लामिछानेलाई प्रतिवेदन बुझाएका हुन्।
गठन भएको साढे पाँच महिनामा सुनको अवैध पैठारी (तस्करी) नियन्त्रणसम्बन्धी जाँचबुझ आयोगले प्रतिवेदन बुझाएको हो।
प्रतिवेदन बुझ्दै गृहमन्त्री लामिछिानेले प्रतिवेदनमा दिइएका सुझावहरू कार्यान्वयन गरिने बताए।
उनले दोषीलाई कारबाही र सुधारका लागि सुझाइएका उपायको कार्यान्वयन गर्ने पनि जानकारी दिए।
आयोगले बुझाएको प्रतिवेदनमा ४८५ पृष्ठ, १३ अनुच्छेद र ९ अनुसूची रहेका छन्।
जाँचबुझका क्रममा आयोगले ९ भन्सार नाकाको स्थलगत अनुगमन गरेको थियो भने ६८ व्यक्तिसँग बयान र ६१ विज्ञसँग परामर्श गरेको थियो।
आयोगका अध्यक्ष आचार्यका अनुसार प्रतिवेदनमा मुद्दा चलाउन सिफारिस, विभागीय कारबाही, सिडिआर÷डिएफएलमा नियमित देखिएका व्यक्तिको सूची र निर्दोष देखिएका व्यक्तिको नामावली प्रतिवेदनमा समेटिएको छ।
विदेशबाट इलेक्ट्रिक सिगरेट (भेप) मा र गत साउन २ गते ब्रेक सु प्याडमा गरी पटकपटक सुन तस्करी भएको थियो।
यो विषयलाई स्वतन्त्र तथा निष्पक्ष छानबिनका लागि गत असोज १५ गते बसेको मन्त्रिपरिषद बैठकले जाँचबुझ आयोग ऐनबमोजिम अवैध पैठारी (तस्करी) नियन्त्रणसम्बन्धी जाँचबुझ आयोग गठन गरेको थियो।
Leave a Reply