जनकपुरधाम- रौतहटमा एक मनी ट्रान्सफरका सञ्चालकमाथि गोली प्रहार भएको छ।
रौतहटको परोहा नगरपालिका–९ खापचोकस्थित शिवम मनी ट्रान्सफरका सञ्चालक २६ वर्षीय नितेश साहमाथि गोली प्रहार भएको हो।
शुक्रबार दिउँसो मोटरसाइकलमा हतियारसहित आएका तीन जना लुटेराले सञ्चालक साहलाई धम्क्याउँदै लुटपाट गरेका हुन्।
लुटपाटकै क्रममा उनीहरूले साहमाथि गोली प्रहार गरेका थिए। गोली साहको कान छेडेर बाहिर निस्केको प्रहरीले जनाएको छ।
जिल्ला प्रहरी कार्यालय रौतहटका प्रवक्ता डिएसपी एलिजा गिरीले गोली लागेर घाइते भएका साहलाई उपचारका लागि वीरगञ्ज पठाइएको जानकारी दिइन्।
लुटपाटमा संलग्न तीन जना पक्राउ परेको उनले बताएकी छन्।
रकम लुटपाट गरेर भागेका उनीहरूलाई प्रहरीले एक थान पेस्तोलसहित घटनाको केही बेरमै नियन्त्रणमा लिएको हो।
लुटपाटमा प्रयोग भएको मोटरसाइकल पनि प्रहरीले बरामद गरेको छ। पक्राउ भारतीय नागरिकहरू पक्राउ पर्नेमा, मुनिस यादव, राजाकुमार पासवान र चन्द्र भारती रहेको प्रहरीले जनाएको छ।
Leave a Reply