जनकपुरधाम- प्रदेस तथा राष्ट्रस्तरीय कविता प्रतियोगितामा प्रथम स्थान हासिल गर्ने छात्रालाई मुखियपाट्टी मुसहरनिया गाउँपालिकाले सम्मानित गरेको छ।
पालिकाअन्तर्गतको श्री बैद्यनाथ देवनारायण जनता नमूना मावि कोल्हुवामा कक्षा १० मा अध्ययनरत छात्रा काजल कुमारी सम्मानित भएकी हुन्।
शुक्रबार एक कार्यक्रमका बीच गाउँपालिकाका अध्यक्ष जयकुमार यादवले काजललाई ३१ हजार नगद तथा एउटा साइकल प्रदान गरेर सम्मानित गरेका हुन्।
अन्तर्राष्ट्रिय महिला दिवसको अवसरमा युएनडिपी र युएनएचसिएचआरले संयुक्त रूपमा काठमाडौंमा आयोजना गरेको ‘महिलामाथि लगानीको वृद्धि, प्रगति र समृद्धि’ विषयक शीर्षकको कवितामा काजलले प्रथम स्थान हासिल गरेकी थिइन्।
पालिका अध्यक्ष जयकुमार यादवले राष्ट्रियस्तरकै प्रतियोगितामा उत्कृष्ट स्थान हासिल गरी पालिकाको गर्व बढाएकोले काजललाई सम्मान गरिएको बताए।
काजलले पाएको सम्मानले पढाइलेखाइका साथै अतिरिक्त क्रियाकलापमा सहभागी हुन अन्य छात्रछात्रालाई समेत उत्साह बढाउने आफूले विश्वास लिएको उनले उल्लेख गरे।
Leave a Reply