जनकपुरधाम- सर्लाहीको मलंगवास्थित दुई मन्दिरमा तोडफोड गरेको आरोपमा प्रहरीले एक जनालाई पक्राउ गरेको छ।
मलंगवा–८ स्थित राजदेवी मन्दिर र वडा नम्बर ९ स्थित झिलमिलिया मन्दिरको मूर्ति तोडफोड गरेको आरोपमा प्रहरीले मलंगवा–८ बस्ने राकेश बैठालाई पक्राउ गरेको हो।
मन्दिर तोडफोडमा प्रयोग गरिएको हतियारसहित बैठालाई नियन्त्रणमा लिइएको सर्लाही प्रहरीले जनाएको छ।
उनले मंगलबार साँझ मन्दिर तोडफोड गरेको प्रहरीको भनाइ छ।
बैठालाई धर्मसम्बन्धी कसुरमा सर्लाही जिल्ला अदालतबाट पाँच दिन म्याद थपेर अनुसन्धान भइरहेको प्रहरीले जनाएको छ।
Leave a Reply