जनकपुरधाम- धरानबाट भोजपुरको दक्षिण घोरेटार आउँदै गरेको जिप दुर्घटना हुँदा ६ जनाको मृत्यु भएको छ।
को १ ज २५९३ नम्बरको जिप उदयपुरको मैनमैनीमा दुर्घटना भएको हो।
दुर्घटनामा ६ जनाको मृत्यु भएको र अन्य आठ जना घाइते भएको प्रहरीले जनाएको छ।
जिपमा १४ जना सवार रहेको सूचना प्राप्त भएको जिल्ला प्रहरी कार्यालय भोजपुरले जनाएको छ।
जिप चालक मानबहादुर बस्नेतबाहेक अन्य मृतकको सनाखत हुन नसकेको प्रहरीले बताएको छ।
दुर्घटनामा घाइते भएकाहरूलाई धरान पठाइएको जिल्ला प्रहरी कार्यालय भोजपुरका प्रहरी प्रमुख प्रहरी नायब उपरीक्षक (डिएसपी) सुदीपराज पाठकले बताएका छन्।
जिप सडकबाट ८ सय मिटर तल खसेर दुर्घटना भएको बताइएको छ।
Leave a Reply