जनकपुरधाम- धरानबाट भोजपुर घोरेटारतर्फ जाँदै गरेको जिप दुर्घटनामा मृत्यु हुनेको संख्या ८ पुगेको छ।
धरानबाट भोजपुरको दक्षिणतर्फ आउँदै गरेको को १ ज २५९३ नम्बरको जिप बिहान १०ः३० बजेतिर उदयपुरको बेलका–७ मा दुर्घटना भएको हो।
घटनास्थलमा ७ जना र थप एक जनाको उपचारका क्रममा धरानमा मृत्यु भएको प्रहरीले जनाएको छ।
जिल्ला प्रहरी कार्यालयका अनुसार मृतक सबैको सनाखत भएको छ।
मृत्यु हुनेमा इटहरी–१ का चालक ४० वर्षीय मानबहादुर बस्नेत, भोजपुर हतुवागढी गाउँपालिका–२ का ७० वर्षीय पर्वतमाया राई, सोही वडाका २३ वर्षीय चन्द्रप्रकाश राई, ६ महिनाकी बालिका बिसाङ चाम्लिङ राई, हतुवागढी–५ की ३२ वर्षीया राजकुमारी राई, हतुवागढी–९ का ६८ वर्षीय पदमबहादुर थापा, ४५ वर्षीया कमला अधिकारी र हतुवागढी–५ का ४२ वर्षीय किशन राईको सनाखत भएको हो।
किशन राईको उपचारका क्रममा मृत्यु भएको प्रहरीले जनाएको छ।
दुर्घटनामा घाइते भएकाहरूलाई उपचारका लागि धरान पठाइएको छ।
जिपमा क्षमताभन्दा बढी यात्रु सवार रहेकाले दुर्घटना भएको हुनसक्ने प्रहरीको प्रारम्भिक अनुमान छ।
सडकबाट करिब ८ सय मिटर तल खसेर जिप दुर्घटना भएको बताइएको छ।
Leave a Reply