जनकपुरधाम- स्थानीय बजारमा मंगलबार सुनको मूल्य हालसम्मकै उच्च कायम भएको छ।
छापावल सुन प्रतितोला १ लाख ४२ हजार ७ सय रूपैयाँ कायम भएर कारोबार भइरहेको छ।
नेपाली बजारमा यो हालसम्मकै उच्च मूल्य भएको नेपाल सुनचाँदी व्यवसायी महासंघले जनाएको छ।
गत जेठ १८ गते छापावल सुन प्रतितोला १ लाख ४२ हजार २ सय रूपैयाँमा कारोबार भएको थियो।
सोमबारको तुलनामा मंगलबार छापावल सुन प्रतितोला १ हजार ७ सय रूपैयाँले वृद्धि भएको हो।
सोमबार छापावल सुन प्रतितोला १ लाख ४१ हजार रूपैयाँमा कारोबार भएको थियो।
त्यस्तै मंगलबार तेजाबी सुन प्रतितोला १ लाख ४२ हजारमा कारोबार भइरहेको छ।
मंगलबार चाँदी प्रतितोला १ हजार ८६० रूपैयाँमा कारोबार भइरहेको छ। सोमबारको तुलनामा चाँदीको मूल्यमा २५ रूपैयाँ वृद्धि भएको हो।
Leave a Reply